Croeso a chyflwyniadau:

·         Croesawodd SR bawb i’r cyfarfod ac amlinellodd fod TG wedi cyflwyno cynnig i ddirymu Gorchymyn Ardrethu Annomestig (Diwygio’r Diffiniad o Eiddo Domestig) (Cymru) 2022.

·         Tynnodd SR sylw nad oedd y cynnig i ddirymu'n rhan o'r grŵp trawsbleidiol, y byddai’r grŵp trawsbleidiol yn siarad am eithriadau a goddefebau ynghylch y Gorchymyn, a bod y grŵp trawsbleidiol yn croesawu cefnogaeth drawsbleidiol.

Canlyniadau posibl Gorchymyn Ardrethu Annomestig (Diwygio’r Diffiniad o Eiddo Domestig) (Cymru) 2022:

·         Croesawodd SD y ffaith bod Llywodraeth Cymru yn gwahaniaethu rhwng ail gartrefi a thwristiaeth, ond amlinellodd na fydd llawer o fusnesau’n bodloni’r rheol 182 ddiwrnod.

·         Dywedodd SD fod Llywodraeth Cymru wedi dod i gasgliad, ond nad oedd wedi cyfiawnhau pam y byddai'n 182 ddiwrnod.

·         Amlinellodd SD y gwnaeth Cynghrair Twristiaeth Cymru gynnig trothwy uwch na'r hyn a oedd ar waith yn wreiddiol.

·         O ran y cynnig i ddirymu, dywedodd TG ein bod yn byw mewn gobaith, a bod y rheol 182 ddiwrnod yn gamarweiniol ac yn ddiffygiol.

·         Roedd TG yn awyddus i wrando ar syniadau a safbwyntiau'r grŵp trawsbleidiol cyn y ddadl yn y Senedd.

·         Roedd AH yn awyddus i egluro pryd y bydd y gorchymyn yn dechrau, ac a fyddai'n ôl-weithredol.

·         Amlinellodd ZW fod SR wedi ysgrifennu at Lywodraeth Cymru ynglŷn â hyn, ac y byddai'r llythyr hwn a'r ymateb yn cael eu dosbarthu i aelodau'r grŵp trawsbleidiol.

·         Darllenodd SR y llythyr gan y Gweinidog, a thrafododd y negeseuon cyferbyniol o hyn.

·         Amlinellodd AGW na fydd gan Lywodraeth Cymru yr adnoddau a’r capasiti i fonitro busnesau, a bod hyn yn cael ei wthio drwodd gyda Phlaid Cymru.

·         Ailadroddodd AH y byddai ailbrisio’n ddarn enfawr o waith.

·         Gofynnodd SR am drafodaethau'r diwydiant â Vaughan Gething.

·         Dywedodd GR ei fod wedi gofyn i Lywodraeth Cymru beth oedd y brys, ac nad yw'r Gorchymyn hwn yn adlewyrchu'r ymgynghoriad. Dywedodd GR y dylid atgoffa swyddogion Llywodraeth Cymru mai gweision cyhoeddus ydynt, ac mai hybu a chefnogi'r diwydiant yw eu gwaith hwy, nid ei ddinistrio.

·         Amlinellodd SD na all Llywodraeth Cymru anwybyddu ei hymgynghoriad heb reswm.

·         Dywedodd AB fod yr adborth roedd yn ei gael yn ymwneud â llesiant pobl, a bod dryswch o hyd.

·         Gofynnodd SR i'r grŵp trawsbleidiol am eithriadau a goddefebau.

·         Amlinellodd AH dudalen o eithriadau a goddefebau i'r grŵp trawsbleidiol, roedd y diwydiant yn galw amdanynt.

·         Diolchodd SR i AH am ddangos ei ddogfen eithriadau a goddefebau, a gofynnodd a oedd Llywodraeth Cymru yn fodlon ar hyn.

·         Dywedodd SD ac AH fod Llywodraeth Cymru wedi derbyn cyfarfod â'r diwydiant i drafod hyn.

·         Amlinellodd SD fod proses apelio ar goll.

·         Cododd AB yr hyblygrwydd rhwng rhanbarthau, ac nad oedd 182 ddiwrnod ar draws Cymru gyfan yn gwneud synnwyr.

·         Amlinellodd SR fod cynnig heddiw yn ymwneud â’r cynnig i ddirymu, a bod goddefebau ac eithriadau i ddod wedyn.

·         Dywedodd AH fod llawer o bobl bellach yn ymdrin â phroblemau iechyd meddwl a bod busnesau’n cael eu gwerthu.

·         Amlinellodd SD fod gwybodaeth anghyson ym memorandwm esboniadol Llywodraeth Cymru.

·         Dywedodd SR fod ar y grŵp trawsbleidiol angen cynllun i ddwyn Llywodraeth Cymru i gyfrif gyda thoriad yr haf i ddod.

·         Cododd TG bosibilrwydd cyfarfod â'r rhai oedd â phrofiadau go iawn o orfod gwerthu busnes.

·         Amlinellodd DM yr annhegwch ynghylch llety gwyliau sydd â chyfyngiadau cynllunio yn gorfod bodloni'r rheol 182 ddiwrnod.

·         Dywedodd DM fod y rheol 182 ddiwrnod yn gwbl annheg.

Casgliad a phwyntiau gweithredu:

• Gyda'r Cyfarfod Llawn yn dechrau, daeth SR â'r cyfarfod i ben.
• Diolchodd SD i bawb a oedd yn bresennol ac a gyfrannodd.